GenelGüncel

QIRIM QAYERDE?

Autobuz cüre, tegerşıkler topraqnı cüta…
Topraqlar bek qara, kunduzler keşege bata…
Autobuz cüre, Romanya arqada qaldı,
Uzaqmı col? Qırımın toprağın kım tanıdı?

*****
Cüremız bır keşe, kun pıttı, genede keşe,
Cüremız, Qırımğa asretmız, vaqıt zor geşe…
Moldavya bır geştı, Ukrayna şımdı,
Atalar toprağı qayerde bar edı?

*****
Autobuz cüre, cürek şay qaynay asretten
Moldavya geştı, bo yer ep urusta eken!
Qarayman, qara cer, neğadar qan sınırgen,
Kok mavı, kok temız, vahşiylık surtulgen…

*****
Can taşa, cürekte qanlarım ot ustı qaynay,
Qarayman, atamın ızları qayerde calday?
Collarnı, koylernı, şollernı uruslar basqan,
Tarihte hanlıqlar tamamen untulğan!

*****
Cüregım şay sızlay rus tılın tuyğanda,
Ayağım qaltıray topraqnı basqanda…
Camıler mırağan, caşlarım tınmay,
Mezarlar komılgen, damarlar sızlay…

*****
II
Qayerge cöytılğan Qırımın toprağı?
Şeerler ep urus, üylerı ters qapı!
Polisın sertlıgı kostere süymeznı,
Tatarlıq kormiymen, cöyttım men Qırımnı!

*****
Qayerge saqlağan Atalar Vatannı?
Kışlerın turuşı kostere duşmannı!
Qarayman Qırımnı, ah, onın toprağın!
Tuyayım avada Hanlığın şanın!

*****
Autobuz şay cüre, tegerşıkler topraqnı cüta,
Qırımın talisız tarihı adımman yazıla.
Cengenler tatarnı, sılıngen Hanlıq,
Qalmağan bır yerde atamdan barlıq.

*****
Men diymen Aqmesçıt, men diymen Aqıyar,
Başqa at salğanlar epsıne ruslar!
Mezardan qartbabam uyanıp kelse,
Tabalmaz camını, o yerde kılıse!

*****

Men diymen Yeşılkoy, men diymen Cankoz,
Ne vahşiy o urus, anlamay bır soz!
Şıq diymen Vatandan, ket diymen oğa,
Ne vahşiy o urus, anlamaz bola…

*****
III
Autobuz şay cüre, artıq yaqınlay –
Bır zaman bo yerden sınırlar başlay.
Gene rus koremen, qonuşma yabancı,
Vatannı qarayman, Vatannın müzesı!

*****
Arıfler, yazılar er yerde slavca
Qonışqan tıllerı qışqıra rusça!
Qayerde o menım şaircı tılım?
Qayerde qayıpsın? Vatanım Qırım?

*****
Puşkin’ ge selam! Bahçisaray qalğan!
Kezleu’ de bır camı zamanğa tırışqan!
Koylerde yasala pıqare üyler,
Zavallı Tatarlar, pıtmeden olmiyler!

*****
Tarih adaşqan, bır Hanlıq bır müze!
Ne bolğan Qırım’ğa bılalmay kımse!
Ot canar, kul bolmaz, memleket cöytılmaz!
Bır millet bar bolıp, qayıpta bolmaz!

*****
Vay Qırım, Oy Qırım, qayerlerdesın?
Bır boqşa ışınde tatarlar tabılsın?
Vay Qırım, Oy Qırım, qayerlerdesın?
Tatarlar Vatannı kımden alalsın?

*****
Autobuz şay cüre, qarayman qaray,
Qırım’ ın barlığın sorayman, soray!
Tarih unutqan, sılıngen yazılar!
Sararğan sayfalar, kul bolğan kitaplar.

*****
Cılaşıp, sırdaşıp, cırlar yazğanlar
Şollerde toplaşıp, qalqışıp, Tatarlar!
Ep qurban Vatanğa yaratqan bu millet!
Pıtmegen son umit, qaraymız memleket!

*****
Qaraymız tarihten Qırım nı, qaray!
Soraymız babaydan anay ne cılay?
Bırleşıp iyitimız canavar ketsın!
Ket diymız Qırım dan, Vatan qurtulsın!

*****
Vay Qırım, Oy Qırım, qayerlerdesın?
Meraqmız bılmege tarihnın sonın!
Autobuz şay cüre, Qırım’ da Qırım yoq!
Bastırıq yaşayman, Qırım’ da Qırım yoq!

guner akmolla
guner akmolla

28 Ocaq / Yanvar 1999
Bu dertlı şiirnı 1998 ın ağustos ayında sıptı bolıp Qırımnı korgende yazğamandır…butun qırımlılar uşın, butun tatarlar uşın…(Vatan ciyıntığı, ISBN 973-9430-24-4 , sene 1999,
Kostencı, s.89- 92.

Kırım'ın Sesi Gazetesi

27 Şubat 2015 Tarihinde hizmet bermege başlağan www.kiriminsesigazetesi.com maqsadı akkında açıklama yapqan Mustafa Sarıkamış İsmail Bey Gaspıralı’nıñ bu büyük mirasına sahip çıqmaq ve onun emellerini yaşatmaqtır. Qırımtatar Türkleriniñ ananevî, körenek, ürf, adet kibi yaşamlarında ne bar ise objektif şekilde Dünya cemiyetine taqdim etilmektir.

Pin It on Pinterest